१ मे : कृतज्ञ आठवण

-
मे महिन्याचा हा पहिला दिवस. महाराष्ट्र दिन आणि कामगार दिना सोबतच महाराष्ट्रातील बहुसंख्य शाळांसाठी विद्यार्थ्यांच्या पास - नापास किंवा निकालाचा दिवस!!

शाळेत असताना या दिवशी आनंद, उत्साह आणि थोडी भीती असं सर्वच वाटायचं! 
लहानपणी ह्या दिवशी खूप कौतुक वर्षाव व्हायचा... मोठे काका , लहान काका , आईवडील, आजी आजोबा , आत्या, भाऊ बहिणी, मित्र आणि नातेवाईक मंडळी आनंदाने चौकशी करायचे.
माझे मोठे काका कै. संभाजी पाटील ( दाजभाऊ) मला आजच्या दिवशी विशेष आठवतात. प्रत्येक निकालाला मला सोबत घेवून मिठाईच्या दुकानातून घेवून दिलेला पेढ्याचा मोठा बॉक्स त्यांच्या प्रेमाने आणि कौतुकाने ओतप्रोत भरलेला असायचा! 

मोठा भाऊ शिकला, पुढे गेला की त्याने लहानांना आणि त्यांच्या मुलांना शिकवावे, आणि प्रगतीच्या साखळीत एकमेकांना वर खेचावे ही ताई तात्यांची ( आजी - आजोबांची) शिकवण माझ्या दोन्ही मोठ्या काकांनी ( श्री. केशव पाटील आणि कै. संभाजी पाटील) आणि काकूंनी (सौ. रंजना पाटील आणि गं. भा. भारती पाटील) निष्ठेने पाळली! आपल्या लहान बहीण भावांना आणि त्यांच्या मुलांनाही हवा तो आधार आणि पाठबळ दिले!

मी ह्या कुटुंबात आणि अश्या आदर्शवादी ज्येष्ठांच्या सहवासात जगू शकलो यासाठी मी सदैव त्यांचा ऋणी आणि कृतज्ञ राहील आणि ही संधी मला दिली त्यासाठी देवाचे आभार  मानतो!
 

Comments

Post a Comment

Popular posts from this blog

निधीचा गृहप्रवेश

-
Image
निधी बाळाचा नवीन घरी गृहप्रवेश गुलाबाचे फुल इवले, तिचे छोटे छोटे पाय, गृहप्रवेश करताना, डोक्यावर कलश ठेवते माय! आनंदाचे क्षण हे , राहतील नित्य ध्यानी, छोट्या लक्ष्मीचे पाऊल, आणि असंख्य गोड आठवणी!! सौ. रोशनी ( उमा) ताईसाहेब आणि श्री. रविन दादासाहेब, पूर्वजांची पुण्याई, आई वडिलांचा आशीर्वाद, सदैव मिळो तुमच्या प्रयत्नांना साद, पूर्ण होवोत तुमच्या सर्व आशा आकांक्षा, तुम्हा सर्व कुटुंबाला गृहप्रवेशाच्या मंगलमय शुभेच्छा 🙏🏻💐🪷
Read more

जिच्या हाती पाळण्याची दोरी...

-
जिच्या हाती पाळण्याची दोरी, तिलाच करावी लागते वेळेची चोरी, चुकत बिलकुल नाही बिचारी, पण घरातल्या सर्वांना म्हणते सॉरी. जिच्या हाती पाळण्याची दोरी, तीच करते भाजी-भाकरी, राणी बनून येते घरी, पण प्रत्यक्षात करते चाकरी. जिच्या हाती पाळण्याची दोरी, कधीच फिटणार नाही तिची उपकार उधारी, कारण, तीच देते संस्कारांची शिदोरी,👣 आणि तीच माऊली जगाला उद्धारी! Wishall 🖋️
Read more

स्वाती: चैतन्याचा झरा

-
Image
काही दिवसांपूर्वी धुळे बस स्थानकात जाण्याचा योग आला. अनेक वर्षांनी एक कॉलेज ची मैत्रीण तसेच बहीण तिथे आगर प्रमुख म्हणून कार्यरत आहे, स्वाती पाटील.  स्वाती Officer झाल्यानंतर कदाचित मी पहिल्यांदाच तिला भेटणार होतो. कशी असेल, किती बदलली असेल असे अनेक प्रश्न डोक्यात होते. चौकशी करत करत तिच्या केबिन मध्ये गेलो तर समोर ही प्रसन्न मूर्ती विराजमान होती. अगदी तशीच जशी कॉलेज ला होती. जराही नाही बदललेली.  टापटीप ठेवलेलं office, येणाऱ्या जाणाऱ्या स्टाफ ला योग्य त्या सूचना आणि मार्गदर्शन, कधी गोड बोलुन तर कधी अधिकार वाणीने ती सर्वांच्या प्रश्नाची उत्तरं लीलया देत होती. तिच्या कार्य शैलीत हुशारी, आत्मविश्वास , आत्मसन्मान आणि प्रत्येक परिस्थितीला सामोरे जाण्याची तयारी दिसत होती.  कोरोना काळात आम्ही किती मेहनतीने काम केली, दिवसरात्र एक करून स्थलांतरित मजुरांना पोहचवले इत्यादी सांगताना तिचा उत्साह अभिमानाने ओसंडून वाहत होता. पण लहान मुलीची (माहीची) काळजी घेवू शकले नाही हे सांगताना तिच्यातली आई ही तेवढीच आर्त होती. आसपास च्या गप्पा झाल्यावर, अध्यात्म ,भूतकाळातील काही आठवणी...
Read more